388.12
Վիկտոր Խրիստենկոն գլխավորել է ԵԱՏՄ-ի Գործարար խորհուրդը
2 րոպեի ընթերցում
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Եվրասիական տնտեսական հանձնաժողովի (ԵՏՀ) կոլեգիայի նախկին նախագահ Վիկտոր Խրիստենկոն ընտրվել Է Եվրասիական տնտեսական միության (ԵԱՏՄ) Գործարար խորհրդի նախագահ: Այդ մասին, ինչպես տեղեկացնում Է «Արմենպրես»-ը, հայտնել Է Ղազախստանի ձեռնարկատերերի ազգային պալատի՝ «Աթամեքեն»-ի վարչության նախագահ Աբլայ Միրզահմետովը:
«Այսօր կայացել Է ԵԱՏՄ-ի Գործարար խորհրդի նախագահության երկրորդ նիստը, որտեղ որոշում Է ընդունվել սահմանել Խորհրդի նախագահի պաշտոն: Այդ պաշտոնում չորս տարի ժամկետով ընտրվել Է Վիկտոր Բորիսի Խրիստենկոն»,-ասել Է նա:
ԵԱՏՄ-ի Գործարար խորհրդի ստեղծման մասին համաձայնագիրն ստորագրվել Է 2015 թվականի մայիսին՝ Աստանայի ութերորդ տնտեսական համաժողովի արդյունքներով:
Որպես Գործարար խորհրդի հիմնադիրներ են հանդես եկել Ղազախստանի ձեռնարկատերերի ազգային պալատը՝ «Աթամեքեն»-ը, Ռուսաստանի արդյունաբերողների եւ ձեռնարկատերերի միությունը, Բելառուսի «Արդյունաբերողների եւ ձեռնարկատերերի համադաշնություն» ոչ առեւտրային կազմակերպությունների միությունը, Հայաստանի արդյունաբերողների եւ ձեռնարկատերերի (գործատուների) միությունը, Ղրղզստանի արդյունաբերողների եւ ձեռնարկատերերի միությունը:
Խրիստենկոն դարձել Է Գործարար խորհրդի առաջին նախագահը, հաղորդել Է ՏԱՍՍ-ը:
