368.12
Հնչակյանները Փարիզում ձախողել են ադրբեջանական քարոզչությունը
1 րոպեի ընթերցում
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Սոցիալ Դեմոկրատ Հնչակյան կուսակցության Փարիզի «Նազարբեկ» երիտասարդական միությունը կանխել է Փարիզում ադրբեջանական քարոզչությունը:
Ինչպես «Արմենպրես»-ին տեղեկացրին Սոցիալ Դեմոկրատ Հնչակյան կուսակցությունից, մարտի 20-ին Փարիզում «Լամուրէօ» նվագախումը պատրաստվում էր «Շանզէլիզե» թատրոնում անցկացնել ադրբեջանական քարոզչության կողմից պատվիրված համերգ՝ նվիրված այսպես կոչված «Խոջալուի դեպքերին»:
Իմանալով այս մասին` Սոցիալ Դեմոկրատ Հնչակյան կուսակցության Փարիզի «Նազարբեկ» երիտասարդական միության մի քանի տասնյակ անդամներ ադրբեջանական կեղծ քարոզչության դեմ բողոքելու համար ցույց են անցկացրել թատրոնի շենքի դիմաց և ձախողել համերգի կայացումը: Վերջին վայրկյանին կազմակերպիչները չեղյալ են հայտարարել ադրբեջանական քարոզչության հերթական դրսևորումը:
«Սա հայ երիտասարդության մեծ հաղթանակն էր: Ադրբեջանցիների քարոզչությունն այստեղ՝ Փարիզում չի անցնելու: Մենք ունենք այդ հանձնառությունը»,-ասված է հնչակյան երիտասարդական կազմակերպության հաղորդագրությունում:
Բաժանորդագրվեք մեր ալիքին Telegram-ում