Հալեպում «Իսլամական պետության» դեմ մարտերում Սիրիայի բանակի հայ զինծառայող է զոհվել

ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Իսլամիստ ահաբեկիչներին հետ մղելու գործողությունների ժամանակ սիրիական բանակի հայազգի զինծառայող է զոհվել: Ինչպես հաղորդում է «Արմենպրես»-ը` վկայակոչելով Հալեպի «Գանձասար» պարբերականը, Սիրիայի իշխանական ուժերը հերթական անգամ հետ են մղել ծայրահեղական ահաբեկչական «Իսլամական պետություն» խմբավորման զինյալներին, ովքեր մարտի 20-ին փորձել են ներթափանցել Հալեպի արդյունաբերական շրջան` Շեյ Նաճճար:

Բախումների ընթացքում սիրիական բանակն ունեցել է կորուստներ, որոնց թվում է հայ զինծառայող, 1994 թվականին ծնված Գևորգ Մկրտչյանը: