1 րոպեի ընթերցում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանի կարծիքով նա անցկացնում է իր կարիերայի լավագույն շրջանը:
«Մենք կենտրոնացած ենք «Համբուրգ»-ի դեմ առաջիկա հանդիպման վրա, այն մեզ համար շատ կարեւոր խաղ է։ Տխրել ենք Փարիզում տեղի ունեցած դեպքերի համար, բայց պետք է կենտրոնանանք ֆուտբոլի վրա։ Իմ կարծիքով հիմա անցկացնում եմ կարիերայիս լավագույն մրցաշրջաններից մեկը»,-«Արմենպրես»-ի հաղորդմամբ, Մխիթարյանի խոսքերը մեջ է բերում «Բորուսիա»-ի Twitter-ի էջը: