ԵՄ-ն վերանայել է Արևելյան գործընկերության շրջանակներում իրականացվող քաղաքականությունը. քաղաքագետ
1 րոպեի ընթերցում
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի և ԵՄ-ի միջև նոր համաձայնագիր ստորագրելու շուրջ բանակցությունների մեկնարկի համար տրամադրված մանդատը նոր զարգացումներ է խոստանում տարածաշրջանում: «Ակնհայտ է, որ ԵՄ-ն փորձում է ակտիվացնել իր տարածաշրջանային քաղաքականությունը` վերանայելով Արևելյան գործընկերության շրջանակներում իրականացվող քաղաքականությունը` անհատական մոտեցում ցուցաբերելով ԱլԳ անդամ երկրներին: Բացի այդ` Հայաստան-ԵՄ բանակցային նոր մանդատի տրամադրումը վկայում է այն մասին, որ Եվրոպան չի պատրաստվում է հրաժարվել հետխորհրդային տարածաշրջանում իր ակտիվությունից»,- «Արմենպրես»-ի հաղորդմամբ` լրագրողների հետ հոկտեմբերի 19-ին կայացած հանդիպմանն այսպիսի կարծիք հայտնեց քաղաքագետ Հրանտ Մելիք-Շահնազարյանը:
Եվրամիության 28 անդամ-պետությունները հոկտեմբերի 12-ին Լյուքսեմբուրգում մանդատ են տրամադրել Հայաստանի և ԵՄ-ի միջև նոր համաձայնագիր ստորագրելու շուրջ բանակցությունների մեկնարկի համար։