Օռլանդո Բլումը կհայտնվի «Կարիբյան ծովի ծովահենները» կինոԷպոպեայի հինգերորդ մասում

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Բրիտանացի հայտնի դերասան Օռլանդո Բլումը կհայտնվի «Կարիբյան ծովի ծովահենները: Մեռյալները հեքիաթներ չեն պատմում» ֆիլմում` ֆրանշիզայի հինգերորդ կինոնկարում: Այդ մասին, ինչպես տեղեկացնում Է «Արմենպրես»-ը, հայտնել Է The Walt Disney Company կինոընկերության ղեկավարությունը:

«Անցած հանգստյան օրերին կայացած համաժողովում The Walt Disney Company-ն անսպասելիորեն հայտարարել Է, որ Օռլանդո Բլումը կհայտնվի «Կարիբյան ծովի ծովահենները: Մեռյալները հեքիաթներ չեն պատմում» կինոնկարում»,-նշել Է KTLA հեռուստաալիքը:-Ժապավենի նկարահանումները վերջերս ավարտվել են Ավստրալիայում, իսկ այժմ այն մոնտաժման փուլում Է»:

Այն փաստը, որ The Walt Disney Company-ին հաջողվել Է գաղտնի պահել Օռլանդո Բլումի մասնակցությունը ֆրանշիզայի հինգերորդ ֆիլմի նկարահանումներին, վկայում Է դրա ստեղծման բարդ գործընթացի մասին, նշում են Հոլիվուդում:

Դերասանը լայն ճանաչում Է ստացել՝ «Մատանիների տիրակալը» կինոեռերգությունում խաղալով բարի ոգի Լեգոլասի դերը:

Ֆիլմի վրա աշխատում են նորվեգացի ռեժիսորներ Էսպեն Սանդբերգը եւ Հոակիմ Ռոննինգը: «Կարիբյան ծովի ծովահենները: Մեռյալները հեքիաթներ չեն պատմում» ֆիլմն Էկրան կբարձրանա 2017 թվականի հուլիսին, հաղորդել Է ՏԱՍՍ-ը: