2 րոպեի ընթերցում
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Սկսվել Է ամերիկյան «Լավագույն հրաձիգը»(Top Gun, 1986) կուլտային ֆիլմի սցենարի աշխատանքները: Կինոժապավենի պրոդյուսեր Դեւիդ Էլիսոնը հասկանալ Է տվել, որ լեյտենանտ Փիթ Միտչելի դերը կրկին կկատարի Թոմ Քրուզը: Այս մասին, ինչպես տեղեկացնում Է «Արմենպրես»-ը, հաղորդել Է «Հոլիվուդ ռիփորթեր» հանդեսը:
«Ջասթին Մարքսն այժմ գրում Է սիքվելի սցենարը»,- մեջբերում Է հրատարակությունը Էլիսոնին: Նրա խոսքով՝ նոր ֆիլմում կգործեն հինգերորդ սերնդի անօդաչու թռչող ապարատներ, ինքնաթիռներ»:
«Աշխարհն արագորեն փոխվում Է, իսկ դրա մետ մեկտեղ այլ տեսք Է ընդունում նաեւ ավիակրի տախտակամածային օդուժը,- նշել Է նա:- Սցենարիստներն այժմ աշխատում են նոր նյութի վրա»:
«Լավագույն հրաձիգի» սիքվելի վրա աշախատանքն սկսելու պլանների մասին առաջին հաղորդումները հայտնվել Էին հինգ տարի առաջ: Սակայն Paramount Pictures կինոստուդիայի լարված գրաֆիկի պատճառով նկարահանումները մշտապես հետաձգվում Էին: Բայց այժմ՝ առաջին կինոնկարի Էկրան բարձրանալուց գրեթե 30 տարի անց, եկել Է դրա շարունակության հայտնվելու ժամանակը:
Ինչպես գրում Է ՏԱՍՍ-ը, առայժմ պարզ չԷ, թե ով Է նկարահանելու սիքվելը եւ երբ կարելի Է սպասել վարձույթ դրա դուրս գալուն: Այնուամենայնիվ Հոլիվուդում 2017 թվականն են նշում որպես հռչակավոր ֆիլմի շարունակության հայտնվելու իրական ժամկետը:
Լուսանկարը` ТАСС/EPA