Հայ երիտասարդները բողոքի ցույց են անցկացրել Լոս Անջելեոսում Ադրբեջանի հյուպատոսարանի դիմաց
1 րոպեի ընթերցում
![Հայ երիտասարդները բողոքի ցույց են անցկացրել Լոս Անջելեոսում Ադրբեջանի հյուպատոսարանի դիմաց](http://armenpress.am/resized/480/static/news/b/2015/06/809794.jpg)
ԼՈՍ ԱՆՋԵԼԵՍ, 20 ՀՈՒՆԻՍԻ, ԱՐՄԵՆՊՐԵՍ: Հայկական երիտասարդական ասոցիացիան ԱՄՆ-ի Լոս Անջելես քաղաքում Ադրբեջանի հյուպատոսարանի դիմաց բողոքի ակցիա է անցկացրել: Ինչպես հաղորդում է «Արմենպրես»-ը` վկայակոչելով «Ասպարեզը», երիտասարդները շեշտել են, որ Ադրբեջանի կառավարությունը շարունակում է խախտել մարդու իրավունքներն ու բռնանում ազատ խոսքի իրավունքին:
«Մենք լուռ չենք նստելու եւ հետեւեք, թե ինչպես է Ադրբեջանը միջազգային հանրությանը ներկայանում իբրեւ դեմոկրատական արժեքներ կրող պետություն: Հաշվի առնելով, որ Բաքուն միջազգային հանրության ուշադրության կենտրոնում է Եվրոպական խաղերի անցկացման կապակացությամբ, մենք որոշեցինք, որ սա լավ միջոց է աշխարհին ներկայացնելու, թե որքան կոռումպացված է Ադրբեջանի կառավարությունը»,- հայտարարել է ՀՅԴ Հայ դատի հանձնախմբի անդամ Գեւ Իսկաջյանը: