1 րոպեի ընթերցում
ՏՈՐՈՆՏՈ, 20 ՀՈՒՆԻՍԻ, ԱՐՄԵՆՊՐԵՍ: Կանադայի վարչապետ Ստեֆան Հարփերը Տորոնտոյում հայ համայնքի ներկայացուցիչների հետ հանդիպմանը հանդես է եկել հայտարարությամբ, համաձայն որի` կառավարությունը պետք է նոր միջոցառումներ կիրառի, որպեսզի լավացնի կանադացիների անվտանգությունն ու ապահովությունը: «Արմենպրես»-ի փոխանցմամբ, հայտարարության մեջ ասված է, որ կառավարությունն աջակցելու է Անվտանգության եւ հետախուզական կանադական ծառայություններին (Canadian Security Intelligence Service), դադարեցնելու է այն կառույցների գործունեությունը, որոնք Կանադայում գրանցված են որպես բարեգործական կազմակերպություններ եւ ֆինանսավորում են ստանում ահաբեկչական խմբավորումներից նաեւ նշանակալի աջակցություն է ցուցաբերվելու, որպեսզի 5 տարի ժամկետով ընդլայնվեն կենսաչափական տվյալների հավաքագրումները այն զբոսաշրջիկների համար, որոնց Կանադա այցելության համար անհրաժեշտ է վիզա: Հանդիպման ավարտին վարչապետը շնորհակալություն է հայտնել հայ համայնքին համագործակցության համար: