Լոնդոնի եկեղեցում մատուցվել է Ցեղասպանության տարելիցին նվիրված պատարագ

ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Լոնդանի Սուրբ Մարիամ եկեղեցում Հայոց ցեղասպանության 100-րդ տարելիցին նվիրված պատարագ է մատուցվել: Ինչպես հաղորդում է «Արմենպրես»-ը` վկայակոչելով ilfordrecorder.co-ն, պատարագը մատուցել է Ռև Սանտու Բյորքլյան-Քարթերը:Հոգևորականն իր խոսքում նշել է, որ թեպետ Հայոց ցեղասպանությունը դեռևս լիովին ճանաչված չէ միջազգային հանրության կողմից, սակայն տարբեր պետությունների կողմից դրա ընդունումն իրապես կարևոր է: Բյորքլյան-Քարթերը հայտնել է, որ իր կողմից մատուցված պատարագը թույլ կտա ներկաներին սգալ իրենց սիրելի մարդկանց կորուստը: