1 րոպեի ընթերցում
ՋԵՐՄՈՒԿ, 7 ՆՈՅԵՄԲԵՐԻ, ԱՐՄԵՆՊՐԵՍ: վարչապետ Հովիկ Աբրահամյանը ցանկանում է օպտիմիզացնել կառավարման համակարգը: Այս մասին նա հայտարարել էՋերմուկում լրագրողների հետ զրույցում: «Մենք պետք է աստիճանաբար օպտիմիզացնենք կառավարման համակարգը, որովհետեւ 19 նախարարությունը Հայաստանի համար շատ է, քայլեր ենք կատարելու դրանց վերամիավորման համար:Դա արդյունավետ է մի քանի առումներով՝ վարչարարության, ֆինանսական միջոցների տնտեսման, եւ, ամենակարեւորը, աշխատանքի արդյունավետության: Եվ արտակարգ իրավիճակների ու տարածքային կառավարման նախարարությունը մենք ապագայում տեսնում ենք, որ լինի ներքին գործերի նախարարություն, ինչպես բազմաթիվ եվրոպական երկրներում: Դրա մեջ կմտնեն բազմաթիվ ծառայություններ, դա ճիշտ է, արդյունավետ է, եւ դա է ցույց տալիս աշխարհի փորձը»,- ասաց վարչապետը:
Կառավարության` նոյեմբերի 6-ի որոշմամբ տարածքային կառավարման և արտակարգ իրավիճակների նախարարությունները միավորելու են, ինչպես նաև ստեղծվելու է նոր՝ միջազգային ինտեգրման և բարեփոխումների նախարարություն: