Կառավարությունը նախատեսում է Հայկական ԱԷԿ-ի նոր էներգաբլոկի կառուցման աշխատանքներն սկսել 2018 թվականից
2 րոպեի ընթերցում
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Հայաստանի կառավարությունը կշարունակի հայկական ատոմակայանի նոր էներգաբլոկի կառուցման ուղղությամբ կատարվողաշխատանքները, որի կառուցապատման մեկնարկը կլինի 2018 թվականին:ԱյդմասիննշվածէՀՀնորկառավարության2014-2017 թվականների ծրագրում, որը հավանության արժանացավ գործադիրի`մայիսի19-ինհրավիրվածարտահերթնիստում:
«Արմենպրես»-ի հաղորդմամ՝ էներգետիկայի ոլորտում կառավարության քաղաքականությունը միտված կլինիերկրի էներգետիկ անվտանգության մակարդակի բարձրացմանը,օրենսդրական խթանների ձևավորմանը՝ նորագույն և բարձր տեխնոլոգիաների ներդրման համար,վերականգնվող էներգետիկայի նպատակային զարգացմանն ուղղված քաղաքականության վարմանը, այդ թվում` առկա հիդրոներուժի, արևային և հողմային էներգիայի օգտագործման ընդլայնում և արդյունավետության բարձրացմանը:
Գործադիրն առաջիկա տարիներին կիրականացնի նաև գեոթերմալ էներգետիկայի ներդրմանն ու զարգացմանն ուղղված միջոցառումներ, էներգախնայողության միջոցառումների ներդրմանը նպաստող քաղաքականություն, էներգահամակարգի հետևողականորեն վերազինում` բարձրացնելով էլեկտրաէներգիայի որակական ցուցանիշները և մատակարարման հուսալիությունը:
Կառավարությունը կշարունակի նաև Իրան-Հայաստան և Հայաստան-Վրաստան 400 կՎ լարման էլեկտրահաղորդման օդային գծերի կառուցումը, որը Հայաստանից հարևան երկրներով էլեկտրաէներգիայի տարանցիկ մատակարարման և արտահանման հնարավորություն կստեղծի:
Շարունակական աշխատանքներ կիրականացվեն Հայկական ատոմային էլեկտրակայանի 2-րդ էներգաբլոկի անվտանգության աստիճանի բարձրացման և գործող էներգաբլոկի շահագործման ժամկետի երկարաձգման ուղղությամբ: