Մհեր Ավանեսյանը պարաօլիմպիկ խաղերում հանդես կգա մարտի 13-ին եւ 14-ին
1 րոպեի ընթերցում
![Մհեր Ավանեսյանը պարաօլիմպիկ խաղերում հանդես կգա մարտի 13-ին եւ 14-ին](http://armenpress.am/resized/480/static/news/b/2014/02/752019.jpg)
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Հայաստանի պարաօլիմպիկ պատվիրակությունը Սոչի կմեկնի մարտի 3-ի գիշերը` մարտի 7-16-ը Սոչիում կայանալիք ձմեռային պարաօլիմպիկ՝ հաշմանդամ մարզիկների օլիմպիական խաղերին մասնակցելու համար:
Ինչպես «Արմենպրես»-ին տեղեկացրեց պատվիրակության ղեկավար Հայաստանի ազգային պարաօլիմպիկ կոմիտեի նախագահ Հակոբ Աբրահամյանը, պատվիրակության կազմում են նաեւ մեկ մարզիկ՝ լեռնադահուկորդ Մհեր Ավանեսյանը, նրա մարզիչ Ռաֆֆի Դերդերյանը եւ մեկ բժիշկ:
Պատվիրակության ղեկավարը տեղեկացրեց, որ Ավանեսյանը հանդես կգա մարտի 13-ին եւ 14-ին՝ ոլորավայրԷջք եւ հսկա ոլորավայրԷջք մրցաձեւերում:
Նա նշեց, որ պատվիրակությունը Սոչիում կփորձի համագործակցություն հաստատել տեղի հայկական համայնքի հետ` նպատակ ունենալով հայ պարաօլիմպիկ մարզիկների համար հետագայում ապահովել մարզումների հնարավորություն Սոչիում:
Հայաստանի պարաօլիմպիկ պատվիրակությունը Երեւան կվերադառնա մարտի 16-ին: