Սոչի 2014. Ռուսատանի հավաքականը հաղթեց ոչ պաշտոնական թիմային հաշվարկով
1 րոպեի ընթերցում
![Սոչի 2014. Ռուսատանի հավաքականը հաղթեց ոչ պաշտոնական թիմային հաշվարկով](http://armenpress.am/resized/480/static/news/b/2014/02/751200.jpg)
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի հավաքականի ելույթը Սոչիի Ձմեռային օլիմպիադայում, որտեղ այն հաղթեց ոչ պաշտոնական թիմային հաշվարկով, դարձել է ամենահաջողվածը Ձմեռային խաղերին նրա մասնակցության պատմության մեջ: Ինչպես տեղեկացնում է «Արմենպրես»-ը` վկայակոչելով ԻՏԱՌ-ՏԱՍՍ-ը, Լիլեհամերում ցույց տրված արդյունքը (11+8+4) արդեն բարելավվել է ինչպես ոսկե մեդալների հաշվարկով (12-ը 11-ի փոխարեն), այնպես էլ մեդալների ընդհանուր քանակով` 23-ի փոխարեն 32: Ռուսաստանի հավաքականը գերազանցել է նաև Ձմեռային օլիմպիադաներում ինչպես Ռուսաստանի, այնպես էլ ԽՍՀՄ հավաքականների արդյունքը. Վերջինս 1988թ. Կալգարիում նվաճել է 29 մեդալ:
Ռուսաստանը դարձել է 4-րդ երկիրը, որը հաղթել է «տնային» Ձմեռային օլիմպիադայում. դա հաջողվել է ԱՄՆ-ին` Լեյք Պլեսիդ`1932թ., Նորվեգիային` Օսլո, 1952թ., և Կանադային (Վանկուվեր, 2010թ.):