Օլիմպիական խաղերին սեւ թեւկապներն արգելված են
1 րոպեի ընթերցում
![Օլիմպիական խաղերին սեւ թեւկապներն արգելված են](http://armenpress.am/resized/480/static/news/b/2014/02/750782.jpg)
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Միջազգային օլիմպիական կոմիտեն՝ ՄՕԿ-ն, արգելել Է Ուկրաինայի մարզիկներին սեւ թեւկապներ կրել Սոչիում ընթացող Ձմեռային օլիմպիական խաղերին` ի նշան Կիեւում քաղաքական ընդհարումների ժամանակ վերջերս զոհված մարդկանց սգի:
Ինչպես տեղեկացնում Է «Արմենպրես»-ը, վկայակոչելով gazeta.ru կայքը, ՄՕԿ-ն իր մերժումը բացատրել Է այն հանգամանքով, որ Օլիմպիական խարտիան արգելում Է սգո նման ժեստը: ՄՕԿ-ի ներկայացուցիչները ասել են, որ ժամանակին նման խնդրանքով նրանց դիմել Էին Նորվեգիայի եւ Կանադայի ներկայացուցիչները` օլիմպիական խաղերի ժամանակ ցանկանալով այդպիսի ժեստով հարգել իրենց քաղաքացիների հիշատակը, բայց նրանց խնդրանքը նույնպես մերժվել Էր: