Սոչի 2014. Սոչիի Խաղերի մեդալների համար ամենաառատաձեռն դրամական հավելավճարներն իր ատլետներին խոստացել Է Ղազախստանը
4 րոպեի ընթերցում
![Սոչի 2014. Սոչիի Խաղերի մեդալների համար ամենաառատաձեռն դրամական հավելավճարներն իր ատլետներին խոստացել Է Ղազախստանը](http://armenpress.am/resized/480/static/news/b/2014/02/749451.jpg)
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Սոչիի ձմեռային Օլիմպիական խաղերում իր մարզիկներին ամենաառատաձեռն դրամական հավելավճարները խոստացել են Ղազախստանի, Լատվիայի, Իտալիայի, Բելառուսի, Էստոնիայի եւ Ուկրաինայի Ազգային օլիմպիական կոմիտեները (ԱՕԿ), տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
Ղազախստանցի ատլետները, եթե ոսկի նվաճեն, կարող են իրենց պարգեւների համար Ազգային օլիմպիական կոմիտեից ակնկալել 250 հազար դոլար, արծաթի համար՝ 150 հազար դոլար, բրոնզի՝ 75 հազար դոլար:
Լատվիացի մարզիկները՝ համապատասխանաբար՝ 192,8 հազար, 96,4 հազար եւ 67,5 հազար դոլար: Իտալացիները՝ 189,8 հազար, 101,7 հազար եւ 67,8 հազար դոլար: Բելառուսները՝ 150 հազար, 75 հազար եւ 50 հազար դոլար: Էստոնացիները՝ 138,5 հազար, 92,3 հազար եւ 60,6 հազար դոլար: Ուկրաինացիները՝ 125 հազար, 80 հազար եւ 55 հազար դոլար:
Ռուսաստանի հավաքականի մարզիկները կստանան 4 միլիոն ռուբլի (մոտավորապես 113,2 հազար դոլար) ոսկու համար, 2,5 միլիոն ռուբլի (70,8 հազար դոլար)՝ արծաթի եւ 1,7 միլիոն ռուբլի (48 հազար դոլար)՝ բրոնզի համար:
Շվեյցարիայի ԱՕԿ-ը պարգեւները սահմանել Է 88,6 հազար, 77,5 հազար եւ 66,45 հազար դոլարի չափով:
Ֆրանսիացի ատլետներին խոստացվել են 67,8 հազար, 27,1 հազար եւ 17,6 հազար դոլար: Հոլանդացիներին՝ 40,6 հազար, 30,5 հազար եւ 20,3 հազար դոլար: Ֆիններին՝ 40,6 հազար, 20,3 հազար եւ 13,5 հազար դոլար: Ճապոնացիներին՝ 29,3 հազար, 19,6 հազար եւ 9,8 հազար դոլար:
Ամերիկացի չեմպիոններին եւ մրցանակակիրներին հասնում Է 25 հազար, 15 հազար եւ 10 հազար դոլար: Գերմանացիների վարձատրումներն ավելի համեստ են՝ 20,3 հազար, 13,5 հազար եւ 10,15 հազար դոլար:
Կանադայի ԱՕԿ-ը հաշվարկել Է, որ ատլետների համար միանգամայն բավարար խթան կդառնան 17,9 հազար դոլարը ոսկու համար, 13,4 հազարն՝ արծաթի եւ 8,9 հազարը՝ բրոնզի համար:
Էլ ավելի քիչ են ավստրալացիների հավելավճարները՝ 13 հազար, 8,7 հազար եւ 6,5 հազար դոլար:
Ոչ մի կարգի դրամական վարձատրություն չեն ստանա, մասնավորապես, Մեծ Բրիտանիայի, Նորվեգիայի, Շվեդիայի եւ Խորվաթիայի մարզիկները: Ինչպես պարզաբանել Է Շվեդիայի ԱՕԿ-ի ներկայացուցիչ Բիեռն Ֆոլինը, «մենք մեզ տրամադրված բոլոր փողերը ծախսում ենք Օլիմպիադաներին մարզիկների պատրաստման համար, մասնավորապես, ամեն տարի 8 միլիոն եվրո (11 միլիոն դոլար) Է ծախսվում մարզական ճամբարների, մարզիչների եւ ատլետներին տրվող դրամական լրավճարների վրա»:
Ավստրիայի կառավարությունն օլիմպիական չեմպիոններ դարձած իր մարզիկներին Է տալիս 17 արծաթե դրամ՝ 21,6 հազար դոլար արժողությամբ: Արծաթե եւ բրոնզե մրցանակակիրներն ստանում են համապատասխանաբար 13-ական եւ 11-ական նույնպիսի մետաղադրամներ:
Ատլետների խթանման հետաքրքրական ծրագիր Է մշակել Հարավային Կորեայի կառավարությունը, որը ոսկու համար խոստացել Է 62 հազար դոլար, արծաթի համար՝ 51,67 հազար եւ բրոնզի՝ 36,17 հազար: Մարզիկներին առաջարկվում Է կատարել ընտրություն. այդ փողն ստանալ միանգամից ամբողջությամբ կամ համաձայնել ցմահ «օլիմպիական թոշակի»:
Երկրորդ տարբերակի դեպքում չեմպիոններին մինչեւ նրանց կյանքի վերջը ամսական կվճարվի 923 դոլար, արծաթե մրցանակակիրներին՝ 692 դոլար, բրոնզե մրցանակակիրներին՝ 484 դոլար: Եվ հարավկորեացի ատլետների մեծ մասը նախապատվությունը տալիս Է հավելավճարների ստացման այս սխեմային: