Սոչի-2014. Ջոն Քերին վստահ է Օլիմպիական խաղերի անվտանգության հարցում
1 րոպեի ընթերցում
![Սոչի-2014. Ջոն Քերին վստահ է Օլիմպիական խաղերի անվտանգության հարցում](http://armenpress.am/resized/480/static/news/b/2014/02/749079.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: ԱՄՆ պետքարտուղար Ջոն Քերին վստահ է, որ Սոչիի ձմեռային օլիմպիական խաղերում անվտանգությունն ապահովելու համար արվում է ամեն ինչ: «Ես այն կարծիքին եմ, որ բոլոր նրանք, ովքեր կցանկանան գնալ Սոչիի օլիմպիական խաղերին, կարող են գնալ: Կարծում եմ, Սոչիիում ապահով է: Մենք վստահ ենք, որ այն ամենը, ինչ հարկավոր էր անել անվտանգությունն ապահովելու համար, արվել է»,-«Արմենպրես»-ի հաղորդմամբ, Քերիի խոսքերն է մեջբերում Itar-Tass-ը:
Ձմեռային 22-րդ օլիմպիական խաղերը կկայանան Սոչիում փետրվարի 7-23-ը: Այնուհետև` մարտի 7-16-ը Սոչին կհյուրընկալի ձմեռային Պարաօլիմպիկ խաղերի մարզիկներին: Սոչիի 2014 թվականի խաղերի ընթացքում կխաղարկվեն 98 մեդալների հավաքածուներ, իսկ Պարաօլիմպիական խաղերում` 72: Այս ձմեռային խաղերին մասնակցում են ավելի քան 2800 մարզիկներ 88 երկրներից: Սոչին գերազանցում է 2010 թվականի Վանկուվերի խաղերին` երկրների մասնակցությամբ: Կանադայի Վանկուվեր քաղաքում կայացած Օլիմպիական խաղերին մասնակցել են 82 երկրի մարզիկներ: