Սոչիում ՀՀ դրոշը կբարձացվի փետրվարի 6-ին
1 րոպեի ընթերցում
![Սոչիում ՀՀ դրոշը կբարձացվի փետրվարի 6-ին](http://armenpress.am/resized/480/static/news/b/2014/02/748847.jpg)
ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Սոչիի օլիմպիական ավանում Հայաստանի Հանրապետության պետական դրոշի բարձրացման հանդիսավոր արարողությունը տեղի կունենա փետրվարի 6-ին, ժամը 14.30-ին: Այս մասին «Արմենպրես»-ին տեղեկացրին Հայաստանի ազգային օլիմպիական կոմիտեում:
ՀՀ դրոշի բարձրացման արարողություն կուղեկցվի Հայաստանի ազգային օրհներգի կատարումով: Այս արարողությանը ներկա կլինեն նաեւ Ռուսաստանի Դաշնության պետական ներկայացուցիչներ, Սոչիի օլիմպիական ավանի քաղաքապետը, խաղերի մասնակիցներ, հյուրեր:
Ինչպես հայտնի Է, 2014 թվականի Սոչիի ձմեռային օլիմպիական խաղերի հանդիսավոր բացման արարողությունը կմեկնարկի փետրվարի 7-ին, ժ. 20.14-ին: Օլիմպիադան, որին կմասնակցեն Հայաստանի 4 մարզիկ՝ 3 դահուկորդ եւ մեկ լեռնադահուկորդ, կանցկացվի մինչեւ փետրվարի 23-ը:
Նախատեսվում Է, որ օլիմպիադայի բացումը եւ մրցումները դիտելու կժամանեն շուրջ 60 երկների ղեկավարներ: