Սոչիի օլիմպիադայի բացմանը ներկա կլինեն 40 երկրների նախագահներ եւ վարչապետեր
1 րոպեի ընթերցում
![Սոչիի օլիմպիադայի բացմանը ներկա կլինեն 40 երկրների նախագահներ եւ վարչապետեր](http://armenpress.am/resized/480/static/news/b/2014/02/748684.jpg)
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Սոչիի ձմեռային օլիմպիական խաղերի բացման փետրվարի 7-ին կայանալիք արարողությանը քաղաքի «Ֆիշտ» մարզադաշտում ներկա կլինեն 40հազար մարզասերներ, այդ թվում՝ 40 երկրների նախագահներ եւ կառավարությունների ղեկավարներ:
Ինչպես տեղեկացնում Է «Արմենպրես»-ը , վկայակոչելով ԻՏԱՌ-ՏԱՍՍ լրատվական գործակալությունը, Ռուսաստանի Դաշնության նախագահ Վլադիմիր Պուտինը Սոչի կժամանի նախքան օլիմպիական խաղերի բացումը:
Նա կհանդիպի Խաղերի մասնակիցների հետ, երկկողման հանդիպումներ կանցկացնի մի շարք երկրների ղեկավարների հետ:
Սոչիի օլիմպիադայի հանդիավոր բացումը կցուցադրվի Երեւանի ժամանակով 20.14-ին: Սպասվում Է, որ ամբողջ աշխարհում այն կդիտեն շուրջ 3 միլիարդ հեռուստադիտողներ: