Օլիմպիական ջահը «նվաճել Է» Էլբրուսի գագաթը
1 րոպեի ընթերցում
![Օլիմպիական ջահը «նվաճել Է» Էլբրուսի գագաթը](http://armenpress.am/resized/480/static/news/b/2014/02/748385.jpg)
ԵՐԵՎԱՆ,1 ՓԵՏՐՎԱՐԻ, ԱՐՄԵՆՊՐԵՍ: 2014 թվականի Սոչիի ձմեռային օլիմպիական խաղերի ջահը «նվաճել Է» Էլբրուս լեռան բարձրագույն գագաթը՝ 5642 մետր բարձրությամբ:
Ինչպես տեղեկացնում Է «Արմենպրես»-ը, վկայակոչելով «Ռոսիյա-24» հեռուստաալիքը, ջահը լեռան գագաթ են հասցրել Ռուսաստանի Դաշնության Կաբարդինո-Բալկարիայի Հանրապետության ալպինիզմի ֆեդերացիայի նախագահ Աբդուլքարիմ Էլմեզովը եւ ալպինիստ Կարինա Մեզովան:
Օլիմպիական ջահը, որը մինչ այդ արդեն հասցրել Էր լինել տիեզերքում, Հյուսիսային բեւեռում, Բայկալ լճի հատակում, իր ուղեւորությունը կավարտի Սոչիի «Ֆիշտ» մարզադաշտում, փետրվարի 7-ին` Խաղերի հանդիսավոր բացման օրը:
Ջահը Հունաստանից մինչեւ Սոչիի մարզադաշտ հասցնելու են 14000 ջահակիրներ. սա ռեկորդային թիվ Է:
Փետրվարի 4-ին օլիմպիական ջահը կհասցվի Կրասնոդար, դրանով ավարտելով ուղեւորության 4-րդ փուլը, իսկ այնուհետեւ կհասցվի Սոչի, որտեղ փետրվարի 7-ին կվառվի Խաղերի բացման եւ փետրվարի 23-ին կմարի օլիմպիադայի փակման հանդիսավոր արարողության ժամանակ: