Սոչին 100 տոկոսով պատրաստ Է ընդունել հյուրերին
1 րոպեի ընթերցում
![Սոչին 100 տոկոսով պատրաստ Է ընդունել հյուրերին](http://armenpress.am/resized/480/static/news/b/2014/01/748350.jpg)
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Սոչին 100 տոկոսով պատրաստ Է ընդունել փետրվարի 7-23-ը այստեղ կայանալիք ձմեռային օլիմպիական խաղերի մասնակիցներին եւ հյուրերին:
«Արմենպրես»-ի տեղեկացմամբ, այս մասին «Ռոսիյսկայա գազետա»-ին ասել Է Ռուսաստանի Դաշնության նախագահի գործերի կառավարիչ Վլադիմիր Կոժինը:
Նա նշել Է, որ արտասահմանցիները բարձր են գնահատում Սոչիի նախապատրաստումը Խաղերին:
Կոժինը նշել Է, որ այնպիսի հյուրանոցներ եւ առողջարաններ, ինչպիսիք են «Դագոմիս»-ը, «Ռուս»-ը եւ այլն, ոչ միայն լիովին պատրաստ են, այլ նաեւ պաշտոնապես շահագործման են հանձնվել:
Նա տեղեկացրել Է, որ Սոչիի Կրասնայա Պոլյանա շրջանում կգործի «Իմ Ռուսաստան» զբոսայգին` իր զանազան տաղավարներով, որոնք կներկայացնեն Ռուսաստանի Դաշնության տարբեր տարածաշրջանների մշակույթը եւ արվեստը: