ԱՄՆ-ի Օլիմպիական պատվիրակության կազմում կընդգրկվեն 230 մարզիկներ
1 րոպեի ընթերցում
![ԱՄՆ-ի Օլիմպիական պատվիրակության կազմում կընդգրկվեն 230 մարզիկներ](http://armenpress.am/resized/480/static/news/b/2014/01/747721.jpg)
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի հավաքականը Սոչիի ձմեռային օլիմպիական խաղերին կգործուղի ռեկորդային թվով մարզիկների: NBC-ի հաղորդմամբ` եթե կազմը վերջնականապես հաստատվի, ապա խաղերին կմասնակցեն ավելի քան 230 մարզիկներ:
«Արմենպրես»-ի հաղորդմամբ` ամերիկացիները 13 անգամ անընդմեջ Օլիմպիական խաղերին ներկայացնում են մարզիկների ամենամեծ թվով հավաքականը: Վերջին հավաքականը, որը նրանց գերազանցել է այդ ցուցանիշով, եղել է Գերմանիայի ընտրանին: Դա տեղի է ունեցել 1964 թվականին:
Սոչիի Օլիմպիական խաղերը կանցկացվեն փետրվարի 7-23-ը: