Պուտինը կայցելի օլիմպիական խաղերի տարբեր մարզաձեւերի մրցումներ
1 րոպեի ընթերցում
![Պուտինը կայցելի օլիմպիական խաղերի տարբեր մարզաձեւերի մրցումներ](http://armenpress.am/resized/480/static/news/b/2014/01/746629.jpg)
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը Սոչիի ձմեռային օլիմպիական խաղերը սպասարկող կամավորների հետ իր հանդիպման ժամանակ նշել է, որ կայցելի օլիմպիական խաղերի տարբեր մարզաձեւերի մրցումներ:
Ինչպես տեղեկացնում Է «Արմենպրես»-ը` վկայակոչելով ԻՏԱՌ-ՏԱՍՍ-ը, Պուտինը ասել Է, որ աշխատանքից ազատ ժամանակ նա կցանկանա այցելել օլիմպիադայի հոկեյի, դահուկավազքի, գեղասահքի, ինչպես նաեւ լեռնադահուկային սպորտի եւ բիաթլոնի մրցումներ:
Սոչիի օլիմպիադան սպասարկող կամավորները կազմում են Խաղերի անձնակազմի մեկ երրորդ մասը: Նրանք արդեն փետրվարի 5-ից կսկսեն դիմավորել մրցումների հյուրերին եւ մասնակիցներին: