1 րոպեի ընթերցում
ԵՐԵՎԱՆ,15 ՓԵՏՐՎԱՐԻ, ԱՐՄԵՆՊՐԵՍ:Հայոց ցեղասպանության թանգարան-ինստիտուտի տնօրեն Հայկ Դեմոյանը պատրաստել է «Հայկական ազգային խորհրդանշաններ» գիրք: Թանգարան- ինստիտուտից«Արմենպրես»-ին տեղեկացրին, որպատկերազարդ հատորում ընդգրկված է շուրջ 1300 լուսանկար, որոնք ներկայացնում են հայկական զինանշանների, դրոշների, ազգային խորհրդանշանների ու պարգևների պատմությունը` հնագույն ժամանակներից մինչև մեր օրերը:
476 էջ ծավալով այս հատորը լույս է տեսել «Տիգրան Մեծ» հրատարակչատանը` «Փյունիկ» բարեգործական հիմնադրամի աջակցությամբ:
Գիրքը ընթերցողին կներկայացվի փետրվարի 16-ին, շնորհանդեսի ժամանակ տեղի է ունենալու գրքի վաճառք` բարեգործական նպատակներով, իսկ ստացված հասույթը տրամադրվելու է սիրիահայ մեր հայրենակիցներին օգնություն տրամադրող հիմնադրամին: