1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Լեռնային Ղարաբաղի հարցում Վրաստանի դիրքորոշումը շարունակում է մնալ անփոփոխ:
Ինչպես հաղորդում է «Արմենպրես»-ը` վկայակոչելով միջազգային լրատվամիջոցները, նման հայտարարությամբ Լիտվայի խորհրդարանում կայացած «Վրաստանի արտաքին և անվտանգության քաղաքականությունը. շարունակություն և փոփոխություն» խորագրով քննարկման ժամանակ հանդես է եկել Վրաստանի արտաքին գործերի նախարար Մայա Փանջիկիձեն:
«Իմ երկրի դիրքորոշումն այս հարցում մնում է անփոփոխ` անհրաժեշտ է տարածաշրջանում խաղաղություն հաստատել»,- նշել է Փանջիկիձեն:
Վրաստանի ԱԳ նախարարն ընդգծել է, որ իր երկիրը լավ հարաբերություններ ունի ինչպես Հայաստանի, այնպես էլ Ադրբեջանի հետ, սակայն չի պատրաստվում միջամտել Լեռնային Ղարաբաղի հակամարտության կարգավորման գործընթացին: «Այս հարցը պետք է կարգավորեն այդ երկու երկրները»,- ասել է Մայա Փանջիկիձեն:
Նա նաև անդրադարձ է կատարել Վրաստանի արտաքին քաղաքական հիմնական ուղենիշերին, մասնավորապես, երկրի եվրոպական ինտեգրման գործընթացին: