367.93
Հայրենական ապրանք-արտադրողների միությունը պատրաստ է նոր առաջարկներ անել արդյունաբերական քաղաքականության շուրջ
1 րոպեի ընթերցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Հայրենական ապրանք-արտադրողների միությունը ողջունում է Կառավարության`արտահանմանն ուղղված արդյունաբերական քաղաքականության մշակման նախաձեռնությունը: Ինչպես հաղորդում է «Արմենպրես»-ը, այս մասին նշեց Միության ղեկավար Վազգեն Սաֆարյանը' ՀՀ վարչապետ Տիգրան Սարգսյանի մասնակցությամբ ընթացող քննարկման ժամանակ:
«Վարչապետը քաղաքական կամք է դրսևորել' ձեռնամուխ լինելով արդյունաբերական քաղաքականության մշակմանը: Մեր սպասելիքներն այս հարցում ամբողջությամբ արդարացել են և ապրանք արտադրողները գոհունակություն են հայտնում ռազմավարության մշակման կապակցությամբ»,- ասաց Վազգեն Սաֆարյանը:
Նա նշեց, որ Հայրենական ապրանք-արտադրողների միության ներկայացուցիչները պատրաստ են լրացուցիչ առաջարկություններով և նախաձեռնություններով հանդես գալ' արդյունաբերական քաղաքականությունից բխող գործողությունների իրականացմանը աշխատանքներում:
Բաժանորդագրվեք մեր ալիքին Telegram-ում