368.59
Դ. Գերչեւա. «Ադրբեջանի վերաբերյալ վերջնական որոշման մեջ հաշվի կառնվի տարածաշրջանի չկարգավորված հակամարտությունը»
1 րոպեի ընթերցում
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի' ՄԱԿ-ի անվտանգության խորհրդի ժամանակավոր անդամ դառնալու մասին վերջին քննարկումները դեռ չեն ավարտվել, եւ պարզ չէ' ինչպիսին կլինի վերջնական որոշումը: Լրագրողների հետ հանդիպման ժամանակ, խոսելով ՄԱԿ-ի կենտրոնակայանում այսօր Անվտանգության խորհրդի հինգ ոչ մշտական անդամների ընտրության մասին, նման հայտարարությամբ հանդես եկավ Հայաստանում ՄԱԿ-ի մշտական համակարգող Դաֆինա Գերչեւան:
Նրա խոսքով' որոշումը կայացնելիս հաշվի կառնվի տարածաշրջանի չկարգավորված հակամարտությունը: «Որեւէ ենթադրություն անել դժվար է, սակայն համոզված եմ, որ ըստ պատշաճի հաշվի կառնվի տարածաշրջանի չկարգավորված հակամարտությունը եւ այն, թե դրա հետեւանքներն ինչ ազդեցություն կարող են ունենալ Ադրբեջանի' ՄԱԿ-ի ԱԽ ժամանակավոր անդամ դառնալու գործընթացում»,- ասաց ՄԱԿ-ի մշտական համակարգողը' շեշտելով, որ չնայած ՄԱԿ-ը միջնորդական գործունեություն չի իրականացնում ԼՂ հակամարտության կարգավորման գործում, բայց աջակցում է ԵԱՀԿ Մինսկի խմբի ջանքերին ղարաբաղյան հակամարտության' խաղաղ ճանապարհով կարգավորման հարցում:
Բաժանորդագրվեք մեր ալիքին Telegram-ում