1 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Պետական գործիչների ներկայությունը սոցիալական ցանցերում ունի եւ դրական, եւ բացասական կողմեր: Այս մասին այսօր լրագրողների հետ հանդիպման ժամանակ ասաց տեղեկատվական անվտանգության հարցերով փորձագետ Սամվել Մարտիրոսյանը: «Մոդայիկ է ունենալ սեփական բլոգ, սակայն դա դառնում է դժվար կառավարելի տեղեկատվական հոսքի պատճառ»,-ասաց փորձագետը: Նրա խոսքով' սոցիալական ցանցի անձնական օգտագործման համար էջն էլ ունի իր վտանգները: «Երբեք վստահ չենք կարող լինել, որ տվյալ մարդը չի հայտնվի հետապնդման տակ: Օրինակ' ադրբեջանցիները մի աղջկա նկարով կարող են մտնել խոցելի պաշտոնյայի էջը եւ նրան շատ հեշտությամբ դարձնել կառավարելի»,- նշեց Ս. Մարտիրոսյանը: Վերջինս հավատացրեց, որ խնդիրն առկա է ամբողջ աշխարհում:
Սոցիոլոգ Ահարոն Ադիբեկյանի խոսքով' իրենք չունեն այնպիսի ուսումնասիրություն, որը հնարավորություն կտա իմանալ' պաշտոնյաների քանի տոկոսն է օգտվում սոցիալական ցանցերից: «Քանի որ մենք պատվեր կատարող կազմակերպություն ենք, մեզ ոչ ոք նման հանձնարարություն չի տվել, հետեւաբար չունենք այդպիսի հետազոտություն»,-ասաց Ա. Ադիբեկյանը: