1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանական լրատվամիջոցներն այսօր տեղեկատվություն են տարածել այն մասին, թե իբր հայկական զինված ուժերի կողմից հրադադարի ռեժիմի խախտման հետեւանքով վիրավորվել է Թարթառի շրջանի Գաֆանլի գյուղի բնակիչ Դաշկին Յուսիֆօղլու Ալիեւը:
Խնդրի առնչությամբ «Արմենպրես»-ին պարզաբանում տվեց Լեռնային Ղարաբաղի Հանրապետության պաշտպանության բանակի մամուլի քարտուղար Սենոր Հասրաթյանը: Նրա խոսքով' դա ադրբեջանական լրատվամիջոցների հերթական ապատեղեկատվությունն է: «ԼՂՀ Պաշտպանության բանակի զինծառայողները քաղաքացիական անձանց վրա կրակ չեն արձակում, եւ ընդհանրապես, սահմանի ողջ երկարությամբ պահպանում են հրադադարի ռեժիմը»,- ընդգծեց Ս.Հասրաթյանը: