1 րոպեի ընթերցում
ԷՋՄԻԱԾԻՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության անկախության 20-ամյակին նվիրված տոնակատարություններին ընդառաջ Մայր Աթոռ Սուրբ Էջմիածինը սեպտեմբերի 17-ին կանցկացնի Երիտասարդական մեծ ուխտերթ' Ազատության հրապարակից դեպի Երեւանի Սուրբ Գրիգոր Լուսավորիչ մայր եկեղեցի, որտեղ Ն.Ս.Օ.Տ.Տ. Գարեգին Բ Ամենայն հայոց կաթողիկոսի հանդիսապետությամբ կկատարվի Երիտասարդների օրհնության կարգ:
Ինչպես «Արմենպրես»-ին հայտնեցին Մայր Աթոռի տեղեկատվական համակարգից, արարողությունից հետո եկեղեցու բակում տեղի կունենա տոնական համերգ: