1 րոպեի ընթերցում
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: Երեւանում 100 տոկոսով ավարտվել է ֆիքսված հեռախոսացանցի թվայնացման գործընթացը: Այս մասին այսօր լրագրողների հետ հանդիպման ժամանակ հայտնեց «Արմենտել» ՓԲ ընկերության գլխավոր տնօրեն Իգոր Կլիմկոն' հավելելով, որ վերջին վեց ամսվա ընթացքում մայրաքաղաքի երեք անալոգային արդիականացման ընդհանուր արժեքը կազմել է 6 մլն դրամ:
«Արմենտել»-ի գլխավոր տնօրենի տեղեկացմամբ' հանրապետությունում թվային հեռախոսակայաններին միացված են ընկերության ֆիքսված ցանցի բաժանորդների 81 տոկոսը:
Նա հիշեցրեց,որ այս գործընթացի ամբողջական ավարտն իր' անցյալ տարում տված խոստման իրականացումն է: «Մայրաքաղաքն այսպիսով դարձավ ֆիքսված հեռախոսացանցի բարձր զարգացվածությամբ քաղաքներից մեկը»,-փաստեց նա' շեշտելով, որ դրանով սկսվում է ձայնի եւ տվյալների փոխանցման, բարձր որակի հեռուստատեսության եւ ինտերակտիվ խաղերի ժամանակակից տեխնոլոգիաների ներդրման նոր փուլ: «Այս ամենը հասանելի կլինի մեր ֆիքսված հեռախոսի բաժանորդներին»,-վստահեցրեց նա: