Ա. Սարգսյան. «Լեռնային Ղարաբաղում թմրանյութերի արտադրության մասին լուրերը շահարկումներ են»
1 րոպեի ընթերցում
ԵՐԵՎԱՆ, 6 ՀՈւԼԻՍԻ, ԱՐՄԵՆՊՐԵՍ: Ադրբեջանական կողմի պնդումները' Լեռնային Ղարաբաղում թմրանյութերի արտադրության եւ տարանցման վերաբերյալ, շահարկումներ են: Այս մասին այսօր լրագրողների հետ զրույցում հայտարարեց Հայաստանի ոստիկանապետ Ալիկ Սարգսյանը: «Նման պնդումների համար որեւէ հիմք չկա»,- ընդգծեց է նա' հավելելով, որ թմրանյութերի ապօրինի շրջանառությունից պաշտպանվածության առումով Լեռնային Ղարաբաղն անհանգստության որեւէ առիթ չի տալիս: Միեւնույն ժամանակ Ալիկ Սարգսյանը նկատեց, որ Լեռնային Ղարաբաղում թմրանյութերի արտադրությանե թեման ադրբեջանական լրատվամիջոցներում շրջանառվում է որոշակի նպատակներով: «Դա շահարկումների առիթ է , որ «ցեխ շպրտեն» Հայաստանի եւ Լեռնային Ղարաբաղի ուղղությամբ»,- նշեց Ա.Սարգսյանը: