1 րոպեի ընթերցում
ԵՐԵՎԱՆ, 22 ՀՈւՆԻՍԻ, ԱՐՄԵՆՊՐԵՍ: Հայաստանի, Ռուսաստանի եւ Ադրբեջանի նախագահների' Կազանում կայանալիք հանդիպումից առաջ ադրբեջանական կողմը հերթական ապատեղեկատվություն է տարածել, թե իբր երեկ Աղդամի ուղղությունից հայկական կողմից արձակված կրակոցի հետեւանքով վիրավորվել է ադրբեջանական բանակի զինվոր:
«ԼՂՀ ՊԲ առաջապահ ստորաբաժանումները շարունակում են պահպանել հրադադարի ռեժիմը շփման գծի ողջ երկայնքով: Ադրբեջանի պաշտպանության նախարարության տարածած տեղեկությունները չեն համապատասխանում իրականությանը»,- «Արմենպրես»-ի հետ զրույցում նշեց Լեռնային Ղարաբաղի Հանրապետության պաշտպանության նախարարության մամլո քարտուղար Սենոր Հասրաթյանը:
Ըստ նրա' ադրբեջանական բանակում հատկապես վերջերս հաճախ են ոչ կանոնակարգային հարաբերությունների պատճառով միջադեպեր գրանցվում. բացառված չէ, որ սա էլ նման մի միջադեպ եղած լինի: