ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: 2005-ից մինչ օրս Հայաստանի Հանրապետության որեւէ քաղաքացի, այդ թվում' Եհովայի վկաները, չեն դիմել այլընտրանքային ծառայության. նրանք նախընտրում են քրեական պատասխանատվության ենթարկվել: Այս մասին «Արմենպրես»-ի հետ զրույցում նշեց Հայաստանի Հանրապետության պաշտպանության նախարարի մամուլի քարտուղար Դավիթ Կարապետյանը' անդրադառնալով հայ եկեղեցու ներկայացուցիչներից մեկի վերջերս բարձրացրած խնդրին, ըստ որի' աղանդավորները խուսափում են անգամ այլընտրանքային ծառայությունից:
Դ. Կարապետյանի խոսքով' 2004 եւ 2005 թվականներին մեր երկրում այլընտրանքային ծառայության է անցել 26 զինծառայող: Վերջիններս, սակայն, ծառայությունից ամիսներ անց բոյկոտել են եւ հրաժարվել ծառայելուց' նախընտրելով ենթարկվել քրեական պատասխանատվության: