Գյուղատնտեսության ոլորտում ներկրվող ռեսուրսները կազատվեն ԱԱՀ-ից
1 րոպեի ընթերցում
![Գյուղատնտեսության ոլորտում ներկրվող ռեսուրսները կազատվեն ԱԱՀ-ից](http://armenpress.am/resized/480/static/news/b/2011/05/653022.jpg)
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Գյուղատնտեսության ոլորտում ներկրվող ռեսուրսները'գյուղատնտեսական տեխնիկան, մշակաբույսերի սերմերը, պարարտանյութերը, թունաքիմիկատները, այսուհետ կազատվեն ավելացված արժեքի հարկից: Ինչպես ՀՀ կառավարության այսօրվա նիստից հետո լրագրողների հետ հանդիպման ժամանակ նշեց Գյուղատնտեսության նախարար Սերգո Կարապետյանը, այս որոշմամբ կնպաստեն վերը նշված ռեսուրսների ձեռքբերման մատչելիությանը, դրանց ներմուծման ու օգտագործման ծավալների ընդլայնմանը: Նրա խոսքով' այն կբերի գյուղատնտեսության ոլորտի զարգացմանը, գյուղմթերքների գների իջեցմանը:
Նախարարի համոզմամբ' այս որոշումը, որն անժամկետ է, կնպաստի նաեւ գյուղտեխնիկայի թարմացմանը: