1 րոպեի ընթերցում
Հոդվածը հրապարակվում է «Արմենպրես»-ի և Moldpres-ի միջև ստորագրված համաձայնագրի շրջանակում։
Հոկտեմբերի 19-ին` ժամը 11:51-ին, Ռումինիայի Վրանչա սեյսմիկ գոտում տեղի է ունեցել 4,8 մագնիտուդով երկրաշարժ։ Այն զգացվել է նաև Մոլդովայի Հանրապետությունում, այդ թվում՝ մայրաքաղաք Քիշնևում։
«Արմենպրես»-ի փոխանցմամբ` այս մասին հաղորդում է Moldpres գործակալությունը։
Եվրոպական-միջերկրածովյան սեյսմոլոգիական կենտրոնի (EMSC) տվյալներով՝ երկրաշարժը տեղի է ունեցել 121 կիլոմետր խորության վրա։ Էպիկենտրոնը գտնվել է Ռումինիայի Նեհոյու քաղաքից մոտ 13 կիլոմետր դեպի հյուսիս-արևելք։
Վրանչա սեյսմիկ գոտին Ռումինիայի ամենաակտիվ սեյսմիկ տարածաշրջանն է, որի հետ կապված են երկրում ժամանակի ընթացքում գրանցված ամենաուժեղ երկրաշարժերից մի քանիսը։