1 րոպեի ընթերցում
Հոկտեմբերի 11-ն աղջիկ երեխաների միջազգային օրն է։
«Արմենպրես»-ի հաղորդմամբ՝ ինչպես փոխանցում է ՀՀ մարդու իրավունքների պաշտպանի աշխատակազմը, ՀՀ մարդու իրավունքների պաշտպան Անահիտ Մանասյանն օրվա կապակցությամբ ևս մեկ անգամ ընդգծում է, որ հնարավորությունների հավասարությունն արտոնություն չէ, որն ինչ-որ մեկի կողմից պետք է շնորհվի, այլ իրավունք, որը պետք է երաշխավորվի։
Մարդու իրավունքների պաշտպանը վերահաստատում է իր հանձնառությունը՝ շարունակելու հետևողական աշխատանքն այն ուղղությամբ, որպեսզի յուրաքանչյուր երեխա ունենա անվտանգ և պաշտպանված միջավայրում մեծանալու, որակյալ կրթություն ստանալու, իր կարողություններն ու ներուժը լիարժեք զարգացնելու, սեփական կարծիքն ազատ արտահայտելու և հասարակական կյանքին հավասարապես մասնակցելու հնարավորություն։