Հայաստանում այս տարվա 8 ամիսներին հարկային եկամուտների հավաքագրումն ավելացել է 14․6 տոկոսով
1 րոպեի ընթերցում
Հայաստանում հունվար-օգոստոս ամիսներին նախորդ տարվա նույն ժամանակահատվածի համեմատ հավաքագրվել են 258 մլրդ դրամով ավելի հարկային եկամուտներ։
«Արմենպրես»-ի հաղորդմամբ՝ այս մասին կառավարության սեպտեմբերի 3-ի նիստում տեղեկացրեց ՊԵԿ նախագահ Էդուարդ Հակոբյանը։
«Օգոստոսն արդեն ամփոփել ենք։ Հունվար-օգոստոսին ունեցել ենք 14․6 տոկոսով աճ։ Սա նշանակում է առաջանցիկություն նախատեսված ծրագրից, վկայում է նաև տնտեսությունում ստվերի շարունակական նվազման մասին։ Նախորդ տարվա համեմատ 258 մլրդ դրամով ավել հարկային եկամուտներ են հավաքագրվել հունվար-օգոստոս ամիսներին»,- նշեց Էդուարդ Հակոբյանը։