Արդարադատության նախարարի տեղակալները վերանշանակվել են իրենց պաշտոններում

Հայաստանի վարչապետ Նիկոլ Փաշինյանի որոշմամբ Գևորգ Քոչարյանը, Աննա Կարապետյանը, Օկսաննա Աբրահամյանը և Տիգրան Դադունցը վերանշանակվել են ՀՀ արդարադատության նախարարի տեղակալների պաշտոններում։

«Արմենպրես»-ի փոխանցմամբ՝ վարչապետի որոշումները հրապարակվել են ՀՀ կառավարության e-gov.am կայքում։

Գևորգ Քոչարյանն Արդարադատության նախարարի տեղակալի պաշտոնը զբաղեցնում է 2025 թվականի մարտից, Աննա Կարապետյանը՝ 2024 թվականի դեկտեմբերից, Օկսաննա Աբրահամյանը՝ 2025 թվականի փետրվարից, իսկ Տիգրան Դադունցը՝ 2024 թվականի նոյեմբերից։