ՌԴ-ն և Եգիպտոսը կոչ են արել ակտիվացնել դիվանագիտությունը՝ տարածաշրջանում լարվածության նվազեցման համար
1 րոպեի ընթերցում
Ռուսաստանի արտաքին գործերի նախարար Սերգեյ Լավրովը և նրա եգիպտացի պաշտոնակից Բադր Աբդել Աթին հեռախոսազրույցի ընթացքում ընդգծել են հավաքական քաղաքական-դիվանագիտական ջանքերի ակտիվացման անհրաժեշտությունը` Պարսից ծոցի շրջանում իրադրության լարվածության թուլացման համար։ «Արմենպրես»-ի փոխանցմամբ՝ այս մասին հաղորդում է ՌԴ ԱԳՆ մամուլի ծառայությունը։
Ըստ հաղորդագրության՝ արտաքին քաղաքական գերատեսչությունների ղեկավարները քննարկել են տարածաշրջանում ռազմաքաղաքական իրավիճակի աննախադեպ սրումը, որն առաջացել է Իրանի դեմ ԱՄՆ-ի և Իսրայելի ծավալած պատերազմի հետևանքով։
Կողմերը համաձայնել են, որ տարածաշրջանային անվտանգության ապահովման համար կարևոր է հուսալի պայմանների ստեղծումը:
Քննարկվել են նաև երկկողմ գործընկերության հետագա զարգացման ուղիները։