Ճապոնիայի Իբարակի նահանգում մոլեգնում է թայֆունը

Ճապոնիայի Իբարակի նահանգում մոլեգնում է «Չան-հոմ» (Chan-hom) թայֆունը:

Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին հայտնել են Ճապոնիայի օդերևութաբանական գործակալությունից՝ նշելով, որ թայֆունը Ճապոնիայի Իբարակի նահանգ է հասել տեղական ժամանակով ժամը 20:00-ին:

Գործակալությունից նշում են, որ ցիկլոնը շարժվում է ոչ բնորոշ հետագծով՝ արևելքից հարավ-արևմուտք, մինչդեռ սովորաբար թայֆունները Ճապոնիա են գալիս հարավից: Այդ կապակցությամբ գործակալությունում նախազգուշացնում են ցածրադիր շրջաններում սողանքների, ջրհեղեղների, ինչպես նաև քամու ուժեղ պոռթկումների մասին: