Մոջթաբա Խամենեիի առաջին միջազգային շփումը կարող է լինել Վլադիմիր Պուտինի հետ. աղբյուր
1 րոպեի ընթերցում
Իրանի նոր գերագույն առաջնորդ Մոջթաբա Խամենեիի առաջին միջազգային շփումը կարող է լինել Ռուսաստանի նախագահ Վլադիմիր Պուտինի հետ հեռախոսազրույցը կամ հանդիպումը։ «Արմենպրես»-ի հաղորդմամբ՝ այս մասին ռուսական ТАСС լրատվական գործակալությանը հայտնել է իրանական աղբյուրը։
Լրատվամիջոցի զրուցակիցը նշել է, որ Խամենեիի առաջին հեռախոսազանգը և հանդիպումը կարող են լինել Պուտինի հետ, քանի որ Ռուսաստանը մտերիմ երկիր է Իրանի համար։
«Սակայն, այս պահին, ռազմական իրավիճակի և անվտանգության նկատառումներից ելնելով՝ նա (Իրանի գերագույն առաջնորդ Մոջթաբա Խամենեին) չի ներկայանում հանրությանը»,- ընդգծել է աղբյուրը։
Մոջթաբա Խամենեին Իրանի գերագույն առաջնորդ է դարձել իր հոր՝ Ալի Խամենեիի զոհվելուց հետո։ Ալի Խամենեին զոհվել է փետրվարի 28-ին ԱՄՆ-ի և Իսրայելի համատեղ հարվածների հետևանքով։