Հայաստանը վերահաստատել է իր եվրոպամետ ուղղությունը. Տուսկը՝ ընտրությունների արդյունքների մասին

Լեհաստանի վարչապետ Դոնալդ Տուսկն արձագանքել է Հայաստանում հունիսի 7-ին կայացած խորհրդարանական ընտրություններին ու դրանց արդյունքներին:

«Նիկոլ Փաշինյանը հաղթանակ է տանում։ Հայաստանը ընտրել է շարունակականության ուղին և վերահաստատել իր եվրոպամետ ուղղությունը։ Սա կարևոր ազդանշան է, որ տարածաշրջանի ապագան դեռևս գրվում է»,- «Արմենպրես»-ի հաղորդմամբ՝ X սոցիալական հարթակում նշել է Տուսկը՝ կից հրապարակելով վարչապետ Փաշինյանի հետ ջերմ հարաբերությունները պատկերող լուսանկար:

Nikol Pashinyan wins. Armenia has chosen continuity and confirmed its pro-European direction. An important signal that the future of the region is still being written. pic.twitter.com/ORaVpZBRPd

— Donald Tusk (@donaldtusk) June 8, 2026

Հայաստանում հունիսի 7-ին կայացած խորհրդարանական ընտրությունների նախնական արդյունքներով խորհրդարան մտնելու անցողիկ շեմը հաղթահարել է երեք քաղաքական ուժ՝ «Քաղաքացիական պայմանագիր» կուսակցությունը՝ 727 հազար 160 կամ 49,825 տոկոս ձայներով, «Ուժեղ Հայաստան» դաշինքը՝ 340 հազար 88 կամ 23,281 տոկոս ձայներով, «Հայաստան» դաշինք՝ 145 հազար 113 կամ 9,934 տոկոս ձայներով։  «Քաղաքացիական պայմանագիր» կուսակցությունը քվեարկության նախնական արդյունքներով կկարողանա մեծամասնություն ստանալ խորհրդարանում և ձևավորել կառավարություն։