Էկոնոմիկայի նախարարն ուսանողներին ներկայացրել է տնտեսության ոլորտում պետության առաջնահերթությունները
1 րոպեի ընթերցում
Հայաստանի էկոնոմիկայի նախարար Գևորգ Պապոյանը կառավարության կողմից իրականացվող պետություն-երիտասարդներ երկխոսության շրջանակներում, առանց փողկապ ձևաչափով, հանդիպել է ունեցել հանրապետության մի շարք բուհերի ուսանողների։
«Արմենպրես»-ի փոխանցմամբ՝ այս մասին հայտնում են նախարարությունից։
Հանդիպման ընթացքում նախարարն անդրադարձել է տնտեսության ոլորտում իրականացվող պետական քաղաքականության առաջնահերթ ուղղություններին, ներկայացրել հիմնական ցուցանիշները, Հայաստանում գործարար և ներդրումային միջավայրի բարելավման նպատակով իրականացվող քայլերը։
Նախարարը պատասխանել է ուսանողների հարցերին, որոնք առնչվում էին Հայաստանում տնտեսության ոլորտի զարգացման միտումներին, աշխատաշուկայում երիտասարդների ինտեգրման հնարավորություններին, ինչպես նաև մի շարք այլ արդիական թեմաների։