Վրաստանում ՀՀ դեսպանությունն օգնել է Քուվեյթից և Իրաքից «Ռիյադ-Թբիլիսի չվերթով ժամանած քաղաքացիներին Երևան տեղափոխման հարցում
1 րոպեի ընթերցում
Վրաստանում ՀՀ դեսպանությունն աջակցել է Քուվեյթից և Իրաքից Ռիյադ-Թբիլիսի չվերթով մարտի 18-ին ժամանած 18 քաղաքացիներին Երևան տեղափոխման հարցում։
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ արտաքին գործերի նախարարությունը։
Թբիլիսիի օդանավակայանում ՀՀ քաղաքացիներին դիմավորել է դեսպան Աշոտ Սմբատյանը, միկրոավտոբուսով ապահովվել է նրանց անվճար տեղափոխումը Երևան։
ԱԳՆ-ն ապահովվել է նաև Դոհա-Թբիլիսի թռիչքով ժամանած 5 ուսանողների անվճար տեղափոխումը Երևան։