1 րոպեի ընթերցում
Հայ Առաքելական եկեղեցու Արագածոտնի թեմի առաջնորդ Մկրտիչ եպիսկոպոս Պռոշյանի խափանման միջոց կալանքը փոխվել է, նրա նկատմամբ կկիրառվի տնային կալանք։
«Արմենպրես»- փոխանցմամբ՝ այս մասին «Ֆեյսբուք»-ի իր էջում գրել է փաստաբան Արա Զոհրաբյանը։
«Քիչ առաջ Արագածոտնի մարզի առաջին ատյանի ընդհանուր իրավասության դատարանը (դատավոր Դ.Դաբաղյան) որոշեց կալանքը վերացնել և որպես այլընտրանքային միջոց կիրառել տնային կալանքը և Մկրտիչ Սրբազան ազատվեց կալանքից»,- գրել է Զոհրաբյանը։
Մկրտիչ եպիսկոպոս Պռոշյանին մեղադրանք է առաջադրվել հավաք անցկացնելուն կամ դրան մասնակցելուն խոչընդոտելու կամ հարկադրելու, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելու հոդվածներով։ Նա չի ընդունում իրեն առաջադրված մեղադրանքը։