Նրանք երկու հրաշալի առաջնորդներ են. ԱՄՆ նախագահն անդրադարձել է Հայաստան-Ադրբեջան հարաբերություններին
1 րոպեի ընթերցում
ԱՄՆ նախագահ Դոնալդ Թրամփն Աղոթքի նախաճաշի իր ելույթում անդրադարձել է նաև Հայաստան-Ադրբեջան հարաբերություններին՝ նշելով, որ իրեն հաջողվել է հարթել հակամարտությունը։
«Մեկ տարում ես հարթել եմ կատաղի պատերազմներ, ինչպիսիք էին Կամբոջան ու Թաիլանդը, Կոսովոն ու Սերբիան, Պակիստանն ու Հնդկաստանը, Իսրայելն ու Իրանը, Հայաստանն ու Ադրբեջանը», - «Արմենպրես»-ի հաղորդմամբ՝ նշել է նա։
Նա նշել է, որ ՌԴ նախագահ Վլադիմիր Պուտինն իրեն զանգահարել է Ադրբեջանի և Հայաստանի առնչությամբ և ասել. «Ես տասը տարի եմ աշխատել դրա ուղղությամբ։ Ինչպե՞ս դու դա արեցիր»:
«Ես դա արեցի: Նրանք երկու հրաշալի առաջնորդներ են, որ երկար տարիներ կռվում էին միմյանց դեմ: Եվ մենք դա շատ արագ լուծեցինք»,-ընդգծել է Թրամփը։