Հայաստանում երկարաձգվել է ձմեռային զորակոչի ժամկետը

Հայաստանի կառավարությունը որոշել է երկարաձգել է ձմեռային զորակոչի ժամկետը։ 

«Արմենպրես»-ի փոխանցմամբ՝ որոշումն ընդունվել է ՀՀ կառավարության հունվարի 29-ի նիստում։ 

Ձմեռային զորակոչը մեկնարկել էր 2025 թվականի նոյեմբերի 24-ից և պետք է շարունակվեր մինչև 2026 թվականի հունվարի 31-ը, սակայն անհրաժեշտություն է առաջացել երկարաձգել դրա ժամկետը։

Որոշման նախագծի ընդունումը պայմանավորված է հայտարարված 2025 թվականի ձմեռային զորակոչի շրջանակներում զորակոչի ենթակա քաղաքացիների առողջական վիճակի հետազոտման գործընթացը ավարտին հասցնելու և դրանց արդյունքներով քաղաքացիների զորակոչի կարգավիճակը հստակեցնելու նպատակով:

Այսպիսով, ձմեռային զորակոչի ժամկետը երկարաձգվել է մինչև 2026 թվականի փետրվարի 13-ը ներառյալ։