1 րոպեի ընթերցում
ԱՄՆ նախագահ Դոնալդ Թրամփի կողմից Իրանին ուղղված սպառնալիքներից հետո Իրանի գերագույն առաջնորդ այաթոլլա Ալի Խամենեիի քաղաքական հարցերով խորհրդական Ալի Շամխանին հայտարարել է, որ երկրի դեմ ցանկացած ագրեսիա կհանգեցնի կոշտ և անհապաղ պատասխանի։ «Արմենպրես»-ի փոխանցմամբ՝ այս մասին Շամխանին գրել է X-ում։
«Իրանի պաշտպանական դոկտրինում որոշ պատասխան միջոցներ սահմանվում են դեռևս մինչև սպառնալիքի իրականացումը։ Իրանի հրթիռային և պաշտպանական հնարավորությունները ենթակա չեն վերահսկողության և չեն պահանջում թույլտվություն, - գրել է Շամխանին։ - Ցանկացած ագրեսիա կհանդիպի անհապաղ կոշտ պատասխանի, որը դուրս է դրա կազմակերպիչների երևակայության շրջանակներից»։
Ավելի վաղ Իսրայելի վարչապետ Բենիամին Նեթանյահուի հետ համատեղ մամուլի ասուլիսում ԱՄՆ նախագահ Դոնալդ Թրամփը հայտարարել էր, որ ԱՄՆ-ն կարող է ևս մեկ լուրջ հարված հասցնել Իրանին, եթե նա վերսկսի իր բալիստիկ հրթիռների և միջուկային զենքերի մշակման ծրագիրը։