1 րոպեի ընթերցում
Հայաստանում կանցկացվի «Կոնկուրս Մոնդիալ դե Բրյուսել 2026» գինու միջազգային համտես-մրցույթը։ «Արմենպրես»-ի հաղորդմամբ՝ համապատասխան նախագիծն ընդունվել է դեկտեմբերի 11-ի ՀՀ կառավարության հերթական նիստում։
«Կոնկուրս Մոնդիալ դե Բրյուսել»-ը համարվում է աշխարհի հեղինակավոր գինու համտես-մրցույթներից։ 2026-ին Հայաստանը հյուրընկալման իրավունք է ստացել՝ մրցելով Վրաստանի, Ռումինիայի և Մոլդովայի հետ։ Մրցույթի անցկացումը կնպաստի Հայաստանի միջազգային ճանաչելիությանն ու գինեգործության առաջմղմանը։
Միջոցառման ընդհանուր բյուջեն կազմում է 883.76 մլն դրամ, որից՝ 684 մլն դրամը կտրամադրվի 2026թ․ պետական բյուջեից՝ վերաբաշխման միջոցով, մնացածը՝ հովանավորների և միջազգային գործընկերների միջոցներով։
Կառավարության հետ պայմանագիր կնքած Vinopres S.A.-ն կֆինանսավորի շուրջ 250 մլն դրամի ծախսեր, այդ թվում՝ 400 մասնակցի ճանապարհածախսերի և գիշերակացի մի մասը, տեխնիկան և կազմակերպչական թիմը։